Хонанда, телебошловчи Ҳуснора Шодиева 22 февраль узоқ кутилган клип премьерасини тақдим этди.

Видеоклип хонанданинг «Эсламайман» қўшиғига ишланган. Клипда хонанданинг ўзи, Муҳаммадали Алиев, Бобур Йўлдошевнинг опаси Лола Аҳмедова ҳамда Ҳусноранинг ўғли Салим роль ижро этган.

Клипда Муҳаммадали ва Ҳуснора севишганлар ролини гавдалантирган. Муҳаммадалининг онаси турмушидан ажрашган ва фарзанди бор аёлни ўғлига олиб бермаслигини айтади. Шу билан улар ажралади. Ҳуснора клип сюжети ўзининг ҳаётидан олинганини таъкидлаган.

Аввалроқ Ҳуснора «Эсламайман» қўшиғи собиқ эрига бағишлаб айтилгани ҳақидаги саволларга жавоб берганди. Хонанда бунга собиқ эрининг анчадан бери ўз ҳаёти борлиги ва унга фақат бахт тилашини айтиб жавоб берган.

Шунингдек, Озод Ҳуррамов 30 январь куни ўзининг туғилган кунини нишонлаган. Унда кўплаб санъаткорлар ҳам иштирок этган. Улар орасида Ҳуснора Шодиева ҳам бўлган. Туғилган кун базми давомида Ҳуснора ҳамда Озод биргаликда қўшиқ куйлаган. Улар хонанданинг «Эсламайман» таронасини ижро этган.