Янгиликлар

Хуррам Султон энг катта орзуси нималигини айтди

Актриса интилишдан ва орзу қилишдан тўхтамаслигини айтган

Хуррам Султон энг катта орзуси нималигини айтди

«Муҳташам юз йил» сериалидаги Хуррам Султон образи орқали миллионлаб мухлисларннг қалбидан жой эгаллаган актриса Марьям Узерли ўзининг энг катта орзуси ҳақида гапирди.

Актриса кутилмаганда бу лойиҳани тарк этгач кўп вақтини оиласига бағишлади ва икки қизининг тарбияси билан шуғулланди. Унинг кўплаб мухлислари актрисанинг ҳаётида ҳамма нарса: оила, пул, муваффаққият борлигини таъкидлайди, бироқ актриса буларнинг барчасини рад этиб ҳали ҳам интилишдан ва орзу қилишдан тўхтамаслигини айтган.

«Мен ҳар доим соғлом бўлишни ва боғли уйда яшашни хоҳлайман. Ҳозир биз квартирада яшаймиз ва бу менга ёқмайди. Oнам ва дадамни тез-тез кўришни хоҳлайман. Менинг энг катта орзуим — фарзандларим Лара ва Лили учун ажойиб келажак яратиш ва бу дунёда эркак ва аёл тенглигини кўрсатиш»,— дейди актриса.

Аввалроқ Хуррам Султон нима сабабдан Россияга кетиши маълум бўлган эди.

Хуррам Султон нима сабабдан Россияга кетиши маълум бўлди

«Муҳташам юз йил» сериалидаги Хуррам Султон образи орқали танилган актриса Марьям Узерли нима сабабдан Россияга бориши маълум бўлди.

Хабарларга кўра, aктриса менежер Софи Богарне билан шартнома имзолаган ва Россиядаги косметик бренднинг «юзи»га айланган. Ушбу шартноманинг нархи эса 221 минг долларни ташкил қилади. Бундан ташқари, Марьям Узерли бадиий фильмда роль ўйнашни режалаштирмоқда. Aктриса томонидан ҳали тасдиқланмаган маълумотларга кўра, суратга олиш ишлари Россияда бўлиб ўтади.

Марьям Узерлининг «Муҳташам юз йил» сериалидаги ролидан сўнг Россиянинг миллионлаб томошабинлари ёқтириб қолган. Сериалдаги роли актрисага дунё бўйлаб шуҳрат келтирди. Танқидчиларнинг фикрига кўра, бу актрисанинг карьерасидаги энг муҳим роллардан бирига айланди.

Ундан ташқари Хуррам Султоннинг пластик операциядан олдинги ва кейинги кўриниши ҳақида хабар берилган эди.

Маълум бўлишича, у мафтункор кўриниши учун бир қатор жарроҳлик муолажаларини бошдан кечирган, буни актрисанинг Instagram’даги суратларда кўриш мумкин. У намойиш қилган суратлар орасидаги фарқ 25 йил бўлиб, актриса суратларда икки хил кўринишда экани билинади.

 

Посмотреть эту публикацию в Instagram

 

Публикация от meryemuzerlimeryem (@meryemuzerlimeryem)

Унинг мухлислари бу ҳолатга нисбатан ўз муносабатини бидирган ва айримлари актрисанинг кўзлари ҳам ўзгарганини таъкидлаган.

Шу билан бирга Хуррамнинг рус дизайнери яратган либос Туркияни забт этгани ҳам айтилган эди.

Фотосессияларда тез-тез иштирок этишни ёқтирадиган актрисанинг ҳар бир чиқиши бутун дунё бўйлаб муҳокама қилинади. Марьям Узерли Instagram’даги саҳифасига рус дизайнерлари томонидан тикилган кўйлакни намойиш қилди ва бу турк мода вакиллари томонидан ажойиб баҳоланди.

 

 

Посмотреть эту публикацию в Instagram

 

Публикация от meryemuzerlimeryem (@meryemuzerlimeryem)

Бу сафар ҳатто актрисанинг ишини ёқтирмайдиганлар ҳам унинг ташқи кўринишига қойил қолди ва иккинчи қизи туғилгандан кейин Марьям кийим танлашда анча вазмин ва назокатли бўлиб қолганини таъкидлади. Журналистларнинг айтишича, туркиялик мухлислар бир неча ой ичида биринчи марта Марьям Узерли либослари ҳақида хушомадгўйлик билан гапирган.