Актёр, режиссёр Саид Мухтор YouTube’даги «Chotki Tv» лойиҳасига берган интервьюсида Камила Гимандинова унга туҳмат қилгани ҳақида гапирди.

Унинг сўзларига кўра, халқ олдида юзи ёруғ. Актёр Камила Гимандиновага кўчадан орттирган фарзанди жазо беришини айтди. Шунингдек, режиссёр актрисага гапи йўқлигини таъкидлади.

«Биласизми, бу хом сут эмган бандалар. Гап миллатда. Ҳалигача кофирона фикрлайдиган мусулмонлар бор. Ҳалигача Амир Темурга қарши одамлар бор. Ҳаттоки, раҳбарлар пиар қиламан деб нималар қиляпти. Шулардан келиб чиқиб, у қизга айтадиган гапим: ‘Кўчадан туғилган фарзандингга, домла келиб азон айтган бўлса, бир кун шу бола сенга жазойингни беради. Аллоҳнинг олдида айтяпман’. Бу қизнинг кимлигин аниқ изҳор қиломаймиз. Мен унинг бу фикрларига жавоб ҳам берганим йўқ. У қизга кўчада юриб, туриб бирор гап гапирай деган фикрда ҳам эмасман. Бундай нарсаларни Аллоҳга топшираман. Унда на фикр, на исбот, на ақл бор. Ким бунга пеш-пешлаган. Буни ҳам жойига қўядиган Аллоҳ. Бу нарсага жангу жадал қилиш керакмас. Мен халқнинг олдига юзим ёруғ чиқаман», — дейди у.

Актриса, блогер Камила Гимандинова YouTube’даги «Donik show» лойиҳасига берган интервьюсида Саид Мухтор уни зўрламоқчи бўлганини айтдиганди. У бу воқеа Ўзбек фильмда бўлганини ҳақида гапирганди. Шунингдек, актриса режиссёрнинг бошига сумка билан уриб қочганини таъкидлаган.

Шунингдек, аввалроқ блогер Севиша тахаллуси билан танилган Севара Мансурова YouTube’даги «Gradus show» лойиҳасига берган интервьюсида Саид Мухтор билан жанжаллашганини айтганди.