Кино оламдаги фаолияти давомида 30 дан ортиқ кинокартина ва сериалларда суратга тушган россиялик актёр, телебошловчи Илья Глинниковнинг қаерда экани аниқланди.

Маълум бўлишича, у 2022 йилнинг 9 январида Олмаотадаги махсус экспорт кенгаши ходимларининг руҳсати билан Россияга жўнаб кетган. Кўнгиллилар гуруҳи ёрдамида аэропортда рўйхатдан ўтган Илья Глинников Қозоғистондаги Фавқулодда вазиятлар бошқармаси томонидан топилган.

Актёр Илья Глинников тоғга чиқиш учун 2 январда мамлакатга келган ва ўша ерда 7 январгача қолган. У айнан шу куни охирги марта дўстининг телефони орқали қариндошлари билан гаплашган ва актёр Олмаотага боришни режалаштирмагани маълум бўлган. Бир муддат у билан алоқа бўлмагани сабабли актёр йўқолган деб эълон қилинган эди. Илья Глинников ҳозир Россияда, унинг соғлиги билан боғлиқ ҳеч қандай маълуммот берилмаган.

Маълумот учун, актёр Илья Глиннников «Биринчи севги», «Форс-мажор», «Дунё томи», «Туман» кинофильмлари томошабинларнинг қалбидан жой эгаллаган. У актёрликдан ташқари телебошловчиликда ҳам фаолият юритади.

Аввалроқ Илья Глинниковнинг Қозоғистондаги намойишлар фонида бедарак йўқолгани ҳақида хабар берилган эди.