«Кальмар ўйини»даги барча бир кўришда пайқамаган 5 хато ва камчиликлар

«Netflix» компаниясига улкан даромад келтирган «Кальмар ўйини» сериали дунёнинг 90 та давлатида энг машҳур лойиҳалар рўйхатига киритилганига қарамай, бу сериал ҳам бир-биридан фарқ қиладиган камчилик ва хатоликларга эга.

Иккита бир хил рақамли иштирокчи.

Ўйиннинг бошида ҳар бирига алоҳида рақам берилган 456 нафар ўйинчи қатнашади. Сериалдаги бош қаҳрамонларнинг рақамлари сериал давомида ўзгаришсиз қолади, бироқ яхшилаб эътибор берилса иккинчи даражали қаҳрамонларга унчалик аҳамият берилмаганининг гувоҳи бўлиш мумкин. Сериал бошида 061 рақами аёл иштирокчига тегишли бўлган, бироқ расмда ўйинни тарк этган эркак иштирокчи ҳам шу рақамда бўлган.

Икки хил кўринган расм.

Иккинчи босқичнинг бошланишидан олдин ўйинчилар думалоқ, юлдуз, учбурчак ва соябон шаклларидан бирини танлаши керак бўлади. Кейин эса улардан танлаган шаклларини далгона карамелдан ажратиши кераклиги ҳақида сўралади. Бунда эса девордаги соябон сериалнинг икки саҳнасида икки хил кўринган.

Сериал қаҳрамони Кан Се Бёк Шимолий корейсча талаффуз қилади.

Корейс тилини яхши билмайдиган томошабинлар учун бу унча яхши сезилмайди. Реддит фойдаланувчиларидан бирининг маълум қилишича, Се Бёкнинг талаффузи туғилган юрти Шимолий Корея шевасига тортади. Унинг бу талаффузи укаси ва воситачилар билан суҳбатлашганда сезилади.

Телефондаги фарқ.

Сериалнинг сўнгги қисмда Ки Хун метрода қизи билан «Samsung S7» телефони орқали гаплашади. Аэропортда ўтирганида эса унинг қўлида «Samsung S3» русумли телефонни кўриш мумкин.

Сериал актёри Хван Хонинг телефон қуввати сериал давомида тугамайди.

Полиция ходимига тегишли бўлган телефон жуда кўп ҳазиллар ва мемларга сабаб бўлган. Қизиғи шундаки, оддий смартфонларнинг автоном ишлаш вақти сериалдагидан анча фарқ қилади. Полициячи кўрганларини суратга тушириш ва ёзиб олиш учун ҳафта давомида телефонини ишлатади. Телефоннинг қуввати эса сериал охиригача етади, лекин у қачон телефонини қувватлагани томошабинларга кўрсатилмайди.