Турк актрисаси Фаҳрие Эвжен турмуш ўртоғи ва ҳамкасби Бурак Ўзчивит билан муносабатлари ҳақида гапирди.

Фахрие Эвжен маҳаллий нашрларининг бирига берган интервьюсида икки йиллик танаффусдан кейин ижодга қайтганидан хурсандлигини, турмуш ўртоғи Бурак Ўзчивитнинг оиласига кам вақт ажратишини, унинг кўп вақти суратга олиш ишлари билан ўтишини, ишдан бўш вақтлари эса ўғли Каран билан сайрга чиқишини айтган.

«Буракнинг ишлари жуда кўп, унинг куни суратга олиш ишлари билан ўтади. У ҳеч қачон касбимга қарши чиқмаган, доим мени тушунган. Ишдан бўш пайтлари ўғлимиз Каран билан сайрга чиқамиз», — дейди Фахрие Эвжен.

Актриса 2021 йилнинг баҳорида катта экранларда намойиш этилган янги тарихий сериал «Алпарслон»да бош роллардан бирини ижро этди. Унинг айтишича, сериалда ўзига берилган тарихий образни яратишда ҳеч қандай қийинчиликка учрамаган. Бундан ташқари Фахрие Эвжен 2022 йıлда янги тарихий сериалда суратга тушишини маълум қилган.

Маълумот ўрнида, шу вақтга қадар кўплаб гап-сўзларга сабаб бўлган Фахрие Эвжен ва Бурак Ўзчивит  «Чолиқуши» сериалида портнёр сифатида роль ижро этган. Шундан кейин уларнинг ишқий муносабатлари бошланган ва 2017 йилда турмуш қурган. Ҳозирда уларнинг Каран исмли ўғли бор.

Аввалроқ «Чолиқуши»даги Фериде имижини ўзгартиргани ҳақида хабар берилган эди.