Голливуднинг 30 яқин кинофильмида суратга тушган актриса Женнифер Лопез доимий имижини ўзгартирганини маълум қилди.

Дунёнинг кино оламидаги бошқа машҳурлари қатори Женнифер Лопез ҳам Янги йил байрамига ўзгача тайёргарлик кўрмоқда. Aктриса Instagram’даги шахсий саҳифасида Янги йил сабаб имижини ўзгартиргани ҳақида пост жойлади. У имижини ўзгартиришда 2022 йилда урфга кирадиган бинафшарангдан фойдаланган, яъни сочларини шу рангга бўяган. Кийиниш услуби жиҳатидан бошқа Голливуд юлдузларидан фарқ қиладиган Женнифер Лопез бу сафар классик услубни танлаганини маълум қилган.

Маълумот учун, Женнифер Лопез шу вақтга қадар 40 га кинофильмларда роль ижро этган. «Анаконда», «Паркер», «Б режа», «Селена», «Мени овут», «Бурилиш», «Мусиқачи» каби фильмларидаги ижроси уни жаҳонга танитган. Актриса фильмларда роль ижро этишдан ташқари хонандалик ва моделлик билан ҳам шуғулланади.

Аввалроқ Голливуд юлдузи Женнифер Лопезнинг турмуш қураётгани ҳақидаги миш-мишларга ойдинлик киритилгани ҳақида хабар берилган эди.