Дунёга машҳур актриса Женнифер Лопез иштирокидаги янги фильмнинг трейлери намойиш этилди ва фильмда уни келинлик образида кўриш мумкин. Ижтимоий тармоқларда эса унинг турмушга чиқаётгани ҳақида миш-мишлар тарқалди.

Таниқли актриса ҳақида тарқалган бу гап-сўзлар ёлғон, боиси у янги фильмда келинлик образини яратган холос. «Менга турмушга чиқ» фильмида Женнифер Лопез ва таниқли Голливуд актёри Оуэн Уилсон бош ролларни ижро этган. Ушбу фильм 2022 йилнинг 10 февраль санасида катта экранларга чиқади.

Фильмнинг қисқача мазмунига кўра, Женнифер Лопез хонанда образини гавдалантирган ва у машҳур рок мусиқачиси (бу образ машҳур актёр Жей Ло томонидан гавдалантирилган) билан турмуш қурмоқч бўлади. Бироқ, у қўшиқчи Женнифер Лопезни алдамоқчи бўлганини сезиб қолади. Унинг концерт дастурида эса оддий бир математика ўқитувчиси хонандага турмуш қуришни таклиф қилади. Кино шу воқеа билан бошланади.

Маълумот учун, Женнифер Лопез шу вақтга қадар 40 га кинофильмларда роль ижро этган. «Анаконда», «Паркер», «Б режа», «Селена», «Мени овут», «Бурилиш», «Мусиқачи» каби фильмларидаги ижроси уни жаҳонга танитган. Актриса фильмларда роль ижро этишдан ташқари хонандалик ва моделлик билан ҳам шуғулланади.