Медиа

Гулчеҳра Саъдуллаева эрининг вафотидан сўнг илк бор кўриниш берди — видео

Ушбу видеони актрисанинг қизи ижтимоий тармоққа жойлаган

Гулчеҳра Саъдуллаева эрининг вафотидан сўнг илк бор кўриниш берди — видео

Ўзбекистонда хизмат кўрсатган артист Гулчеҳра Саъдуллаева эрининг вафотидан сўнг илк бор кўриниш берди.

Актриса Муқаддас Саъдуллаева ўз саҳифасига отаси, Ўзбекистон халқ артисти Лутфулла Саъдуллаев вафот этгандан сўнг илк бор онаси билан бирга видео жойлади. Унда Гулчеҳра Саъдуллаевани қора кийим ва рўмолда кўриш мумкин.

Эслатиб ўтамиз, аввалроқ Муқаддас Саъдуллаева онасига отаси ҳар йили берадиган совғани берганди. Гулчеҳра Саъдуллаева 72 ёшни қаршилади. Ҳар гал туғилган кунида актрисага турмуш ўртоғи Лутфулла Саъдуллаев настарин гулларини совға қилган. Муқаддас Саъдуллаева бу йил ҳам анъанани давом эттиришни хоҳлаган. Актриса онасига айрилиқни билинтирмаслик учун ҳам шундай қилганини таъкидлади.

«Онам севган настарин гуллари. Ҳар йили 12 апрель куни тонг саҳарда отам бир қучоқ настарин гулларини олиб, онам уйғонмасидан ётоғининг олдига қўйиб қўярди. Чунки 12 апрель куни онамнинг шукрона куни. Бугунги 12 апрель онамнинг 72 баҳори тонгида ҳам отамсиз бу ишни такрорлашни истадик. Гарчи ҳозир онамнинг кўнглига қил сиғмаса ҳам, бугунги кунни настаринсиз ўтиши, унга яна ҳам айрилиқни намоён этишини иатамадик. Отамнинг жойи жаннатда бўлсин. Бу кунларга кўникишга Аллоҳ ўзи сабр берсин», — деб ёзади Муқаддас Саъдуллаева.

Лутфулла Саъдуллаев 10 апрель куни 81 ёшида вафот этган. Бу ҳақда Муқаддас Саъдуллаева Instagram саҳифасида маълум қилганди.

Аввалроқ Ўзбекистон халқ артисти Лутфулла Саъдуллаев жонлантириш бўлимига тушиб қолгани маълум бўлганди. Бу ҳақда қизи актриса Муқаддас Саъдуллаева ўз Instagram саҳифасида маълум қилди. Унинг сўзларига кўра, кеча аҳволи яхши бўлган. Бироқ 4 апрель, душанба куни жонлантириш бўлимига ётқизилган. Актриса барчадан унинг ҳақига дуо қилишни сўраган.