Медиа

«Ҳаммани йиғлатди». Иззат Шукуров тўйи куни экранда қўйилган видеони эълон қилди — видео

Унда хонанданинг чақалоқлигидан ҳозирги вақтга қадар бўлган воқеаларни кўриш мумкин

«Ҳаммани йиғлатди». Иззат Шукуров тўйи куни экранда қўйилган видеони эълон қилди — видео

Хонанда Иззат Шукуров Instagram саҳифасида тўйи куни катта экранда намойиш қилинган видеони эълон қилди.

Унда Обид Асомовнинг архив видеолари қўйилган. Марҳум сўз устаси Иззат Шукуровни туғруқхонадан олиб чиқиш жараёнида иштирок этган. Хонанда ушбу видео ҳаётидаги муҳим кунда ҳаммани соғинч билан йиғлатганини таъкидлаган. У ролик учун отаси, Рустам Сагдиев ҳамда Ойбек Холмедовга раҳмат айтган.

«Ҳаётимдаги энг муҳим кунда барчанинг кўзига соғинч кўзёшларини келтира олган видео бўлди. Устозларимизнинг охирати обод бўлсин. Ушбу роликни Тоживой Шукуров таклиф этиб, Рустам Сагдиев томонидан тайёрланди. Овозни Ойбек Холмедов берди», — деб ёзади хонанда.

 

Посмотреть эту публикацию в Instagram

 

Публикация от IzzatShukurov (@izzatshukurov)

Иззат Шукуров саҳифасига видео кетма-кетликнинг тўлиғини жойламаган. Хонанда унинг тўлиқ шаклини YouTube’га қўйган. Видео 29 июнь куни эълон қилинган. У шу вақтгача 136 мингдан ортиқ кўрилган.

Иззат Шукуров илк бор 17 апрель куни Instagram саҳифасида турмуш ўртоғининг қўлини сўраганини маълум қилганди. Хонанда ушбу лаҳзалардан суратларни эълон қилиб, қуйидагича изоҳ қолдирган.

«Биз охири бўлмаган ҳикояни бошлашга тайёрмиз», — деб ёзади хонанда.

 

Посмотреть эту публикацию в Instagram

 

Публикация от IzzatShukurov (@izzatshukurov)

Шундан сўнг хонанда никоҳдан ўтганини маълум қилганди. У ўз саҳифасида ушбу жараён акс этган видеони эълон қилган. Видео аввалида гуллар билан безатилган жойда Иззат Шукуровни кўриш мумкин. Аёли унинг орқасида келганда эса, хонанда ўгирилади ва унинг қўлидан тутади.

Шунингдек, у никоҳ тузилган тўғрисидаги гувоҳномани ҳам кўрсатган. Иззат Шукуров жойлаган видео остида турмуш ўртоғини ҳам белгилаб қўйган. Бироқ хонанда бу гал ҳам аёлининг юзини кўрсатмаган.

 

Посмотреть эту публикацию в Instagram

 

Публикация от IzzatShukurov (@izzatshukurov)

Кейинроқ Иззат Шукуровнинг турмуш ўртоғи биринчи марта кўриниш берганди. Шу пайтга қадар Иззат Шукуров аёли ҳақида бирорта ҳам маълумот айтмаган. Ҳозиргача унинг исми ҳам маълум эмас. Улар иштирокидаги видеоларда хонанда аёлининг юзи кўринмаган. Бироқ никоҳдан ўтаётгандаги видеолавҳада илк бор унинг юзи кўринган.

Хонанданинг висол оқшомидан илк лавҳалар 27 июнь куни эълон қилинганди. Тўйдан лавҳаларни Иззат Шукуровнинг опаси Сурайё эълон қилган. Унда дастлаб тўй олди уйда карнай-сурнайларнинг чалинишини кўриш мумкин. Шу билан бирга, Сурайё жойлаган видеода фотосессия жараёни ҳам акс этган. Иззат Шукуров куёв жўралари билан келинникига кетишдан олдин оила катталаридан дуо олган. У келинга бериладиган гулдастани ҳам кўрсатган.

Кейинроқ Иззат Шукуровнинг никоҳ тўйи қандай ўтгани аск этган видеолар эълон қилинди. Унда тўйнинг дабдабали ўтганини кўриш мумкин. Дастлаб келин тўйхонага Ирода Дилроз билан биргаликда кириб келади. Кейин Иззат Шукуров уни нашид айтиб кутиб олади. Улар бирга ота-оналари билан кўришиб жойига бориб ўтиради. Тўйда кўплаб санъаткорлар мезбон бўлган ва бир қанча ижодкорлар хизматга келган.

Рихситилла Аббдуллаев ва Зара Ширинова бошловчилик қилган. Ўзбекистонда хизмат кўрсатган артист Афзал Рафиқов эса тўйни очиб берган. Юлдуз Усмонова, Рашид Ҳалиқов, Тоҳир Содиқов, Мавлуда Асалхўжаевалар қўшиқ куйлаган. Фаррух Зокиров эса иккала оилани онлайн табриклаган. Шунингдек, никоҳ оқшомида Иззат Шукуровнинг туғруқхонадан чиқиши акс этган видео ҳам эълон қилинган. Унда марҳум сўз устаси Обид Асомов ҳам иштирок этган. Марҳум ижодкор Иззат Шукуровнинг исми бежизга шундай қўйилмагани, у келажакда исмига мос йигит бўлишини таъкидлаган.