Туркияда суратга олинаётган янги тарихий «Алпарслон» сериалдан юқори натижалар кутилмоқда ва кинофильм мутахасcисларининг фикрига кўра, у «Муҳташам юз йил» сериалини ортда қолдиради.

Янги сериал воқеалари 1063 дан 1072 йилгача бўлган даврдаги тарих ҳақида. Отасининг вафотидан сўнг тахтга чиққан подшоҳ Алпарслoн мамлакатни бошқаришда жуда кўп қийинчиликларга дуч келади, бир томондан душман у томон лашкар суриб келаётган бўлса, иккинчи томондан мамлакат фуқаролари уни подшоҳ деб тан олмаётгани у учун катта синов бўлади. Турк актёри Барйше Ардуч томонидан ижро этилган бош қаҳрамон образи Салжуқийлар давлатининг иккинчи ҳукмдори ҳақидаги фильм ҳисобланади. У 10 йил давомида ҳукмронлик қилади ва Грузия, Арманистон, Ғарбий Эрон ва деярли барча кичик Осиё ҳудудларини ўз ичига олган кучли давлатни яратишга муваффақ бўлади.

Маҳаллий нашрларнинг маълумотига кўра, кўришлар сони бўйича «Муҳташам юз йил» сериалини ортда қолдириши кутилаётган сериалнинг рейтинги ошишида Алпарслоннинг севимли ёри образини яратган таниқли турк актрисаси Фахрие Эвжен ҳам аҳамиятга эга. Машҳур турк актёрларидан бири Бурак Ўзчивитнинг турмуш ўртоғи тўрт йил давомида кетма-кет суратга олишда иштирок этмaган ва кўпчилик мухлислари уни санъатни тарк этган деб ўйлаган.

Эслатиб ўтамиз, аввалроқ «Муҳташам юз йил» сериали қаҳрамонларининг ҳаётида 10 йил ичида нималар ўзгаргани ҳақида хабар берилган эди.