Дунё бўйлаб мухлисларини топа олган америкалик ёзувчи Жоан Роулинг асари асосида суратга олинган «Гарри Поттер» фильмининг қаҳрамонлари ижроси учун қанча маблағ олгани маълум қилинди.

Ҳозирга қадар 4 қисми суратга олинган фильмнинг янги қисми «Гарри Поттер: Хогвартсга қайтиш» деб номланган ва 1 январдан бошлаб катта экранларда намойиш этилади. Фильмда бош ролни ижро этган уч қаҳрамон миллионлаб мухлисларнинг қалбини забт этишдан ташқари фильмдаги роли учун жуда катта маблағ ҳам олган.

«Гарри Поттер ва Феникс жамияти» фильми учун Руперт Гринт — Рон Уизли ва Эмма Эмма Уотсон — Гермионага 4 миллион доллар ҳақ тўланган. Фильмда бош ролни ижро этган Дениэл Рерклифф Гарри Поттер роли учун бу қисмдан 14 миллион доллар олган. Кейинги «Гарри Поттер ва Ажал туҳфаси» учун эса актёр Дениэл Рерклиффга 20 миллион доллар миқдорда ҳақ тўланган. Бу қисмдаги ижроси учун Руперт Гринт ва Эмма Уотсон 15 миллион доллардан гонорар олган. Фильмнинг янги «Гарри Поттер: Хогвартсга қайтиш» фильми учун актёрларинг қанча маблағ олгани ҳали маълум қилинмаган.

Аввалроқ «Гарри Поттер» юлдузлари 20 йилда қандай ўзгаргани ҳақида хабар берилган эди.