Сўз устаси, бошловчи, актёр Зокир Очилдиев Ортиқ Султоновга таклиф берганда у буни рад этгани ҳақида гапириб берди

Унинг сўзларига кўра, Ортиқ Султоновга «Sketch shou» лойиҳасида бирга чиқиш таклифини берган. Лекин у бу таклифни рад этган. Шундан сўнг Аброр Бахтиёрович бу таклифга рози бўлган.

«Фикр туғилса, ‘Скетч шоуʼ деган лойиҳа бор. Шуни шеригим Ортиққа таклиф қилганман. Шу ишни биргаликда қилайлик деб. У қабул қилолмаган. Нимагадир у келажагини бу лойиҳада кўролмади. Бир куни бир жойда тадбирда эдик, Аброр Бахтиёрович қўлида қоғоз-қалам билан келиб қолди. Худди шу нарсани мен ҳам қиламан дегандим. Лекин у буни қабул қилолмади. Шуни кейин амалга оширдик. Ҳақиқатдан яхши қабул қилишди», — дейди у.