Хонанда Имрон актриса, хонанда Дурдона Қурбоновага жавоб қайтариб, у билан боғланиб бўлмаётганини айтди.

Унинг сўзларига кўра, «Ёмон қиз» қўшиғига ишланган клипида Дурдона Қурбонова самимий бўлганини, клипмейкерларга ёрдам берган. Хонанда актриса билан боғланиб бўлмаётганини, боғланган тақдирда ҳам кеч келаётганини айтди. Имрон бундай ҳолатда ижод бўлмаслигини, ўзининг ҳақ эканини таъкидлади.

«Эсласангиз, ‘Ёмон қиз’ қўшиғига ишланган клипимизда ўзингиз хоҳлаб ҳаракат қилиб, ҳаттоки, клипмейкерга ёрдам бериб, объект топиб бергансиз. Мен ҳалигача эслайман бизга бассейнни ўзингиз топиб бергансиз. Умуман бизнинг жамоамизга ёрдам бергансиз. Ҳозир ҳам жуда самимий қизсиз. Лекин унда бошқача самимий эдингиз. Биласиз, мен ҳар битта ўзимга тегишли ишда, қўшиқ бўладими, клип бўладими ҳаммасида ўзим фаол қатнашаман. Чунки бу ижод. Охирги пайтларда сиз билан умуман боғланиб бўлмаяпти. На бир телефонга жавоб берасиз. Жавоб берсангиз ҳам келишилган вақтда келмайсиз. Орқага суриб юборасиз. Унда ижод бўлмайдику. Ўзингиз ҳам менинг қанчалик ҳақ эканимни тушуниб турибсиз», — дейди хонанда.