Хонанда Ҳилола Ҳамидова ижтимоий тармоқларда тарқалаётган Рустамжон домланинг вафот этгани ҳақидаги хабарларга изоҳ берди.

Унинг сўзларига кўра, домла вафот этмаган. Бу каби тарқалган хабарлар ёлғон. Ҳилола Ҳамидова тармоқ фойдаланувчиларидан хабар тарқатаётганда хушёр бўлсиҳни сўраган.

«Ҳозир интернетда бир хабарнинг ёлғонлиги ҳақида айтиб ўтмоқчиман. Яъни, Рустамжон домланинг вафот этгани ҳақидаги хабарлар ёлғон. Ўзим эшитиб ёмон бўлдим. Рустамжон домлага жума куни бўлгани учун тушуб ҳам бўлмайди, сабаби масжидда бўлади. Бундай хабарларни тарқатишдан олдин барибир нариги дунёга борганда ҳам жавоб беришни ўйлаб, кейин ойдинлик киритиб ёзинг. Тарқатишда ҳам эҳтиёт бўлишингизни сўрардим», дейди хонанда.