Актриса, қизиқчи Халима Ибрагимова изоҳларда аёлларга нeгатив фикр билдирадиган эркакларга мурожаат қилди.

Унинг сўзларига кўра, бундай инсонлар ўзининг танишлари орасида ҳам бор. Актриса эркаклар аёлларни ҳеч қаерда ҳурмат қилмаётганини айтди. Халима шу каби эркаклар аёлларнинг ҳижобини ҳам, калта кўйлагини ҳам гапиришини таъкидлади.

«Баъзи бир эркакларни кўрсам, нафратланаман. Ўғил туғилса, маҳаллага чиқиб ‘қотадиʼ. Ўғилни эркак қилиб тарбиялаш ҳам бор. Бўри, шеър қил ўғлингни. Битта одам кўрганда, қўрқсин. Қачонгача хотинларни чайсансан? Ҳижоб кийганини ҳам, калта кийганини ҳам қўймайсан. Аёллар шунақа ожиза бўлади. Билмай нимадир қилиб қўйиши мумкин. Эркакларгамас аёл кишини гапириш. Аёлга на ҳайдовчи бўлса, на пиёдалар ўтиш жойида, на аэропортда ҳурмат бор. Эркаклар озгина бўлса ҳам ғурурингизни сақланг. Пасспортига эркак деб ёзиб қўйган ‘ҳезалаклар’ни ҳам аёллар туққан. Отанг керилгандан кейин охиригача ҳам керилтириб юр. Бўлди жонга тегдиларинг. Эркак бўл. Сенларга уят», — дейди актриса.

Шунингдек, у бу каби эркаклардан нафратланишини айтди. Актриса унинг гаплари ҳамма эркакларга тегишли эмаслигини таъкидлади.

«Биз билмаган қанча хотинлар бор эридан калтак ейдиган, бирини икки қиладиган. Сенларнинг дастингдан улар қаерга бориб додини айтсин? Ҳаттоки, ўзимнинг танишларимнинг ичида ҳам шундайлар бор. Нафрат, уят, ор қиляпмиз. Бизнинг оғзимиз шалоқдир лекин керак бўлса, баъзи эркаклар қилолмайдиган ишларни қилиб қўйганмиз. Бунча ойнага қараб ўзингга оро бердинг, бунча хотинсифат бўлиб кетдинг? Уни кийибсан, бундай қилиб деб менга гапирасан. Сенлар эркак бўлиб нима қилиб қўйибсан?

Бу гап ҳамма эркакларга тааллуқли эмас. Мана шу ерда ўзининг манзили бор. Биринчидан аёл кишини кўролмаслик уят. Иккинчидан бекиниб олиб, никларни 0 қилиб олиш сенларга уят. Мен ва ман каби аёларга қўпол тиқилиш, аёлларни ғийбат қилиш сенларга эмас. Керак бўлса расмингни ҳам қўйиб қўяман. Озгина ғуруринг бўлса, ҳеч бўлмаса интернетда чайнама. Чойхонада ўтириб чайнаганинг етади. Эркак бўлиб қишнинг ғамини ўйлаб ўтир», — дейди у.