Актёр, тадбиркор Жамшид Арслонов YouTube’dagi «IntervyuTV» лойиҳасига берган интервьюсида киноларда кўринмай қолгани ҳақида айтди.

Унинг сўзларига кўра, актёрнинг аёли ҳомиладор бўлган. У суратга олиш майдаинчасида бўлган пайти ўғилли бўлганини хабар беришган. Туғруқхонага етиб борганида эса аёлининг ‘операцияʼ бўлгани ҳақида эшитган. Эртаси куни эса янги туғлган ўғлининг ўлими ҳақида хабар топган. Шундан кейин киноларда ўйнашни хоҳламай қолган.

«У пайтда мен янги уйланган эдим. Аёлим ҳомиладор эди. Бир куни эрталабдан суратга олиш куни бошланди. Соат биргача мени тиндирмасдан суратга олишди. Тушликка яқин тугади, Ҳамма табриклаймиз ўғилли бўлдинг деди. Мен бир томондан хурсандман, бир томондан ҳали вақтлику дейман. Бўлди тез кет дейишди. Машина Тошкентга кетадиган йўлга олиб чиқиб қўйди. Кейин билсам, аёлимнинг мазаси бўлмасдан қон йўқотиб, вақтидан олдин ‘операцияʼ қилиб фарзандимни олишган экан. Биринчи бўлиб ўғлимни кириб кўрдим. Аёлимни олдига киргизишмади, чунки реанимацияда бўлган. Барибир Аллоҳнинг иродасида бу. Кечки пайт аёлим билан кўришдим. Фарзанд эсда йўқ. Чиқиб кетибман эсимда йўқ. Эртаси куни эрталаб эсимга тушиб қолди фарзандли бўлганим. Эртаси куни бориб сўрасам, сен чиқиб кетганингдан кейин жони узилди дейишди. У пайти ёшроқ бўлганман. Ўзини ер эканда одам. Балки, суратга олишда бўлмаганимда, уйда бўлганимда аёлимни олдида. Мазаси бўлмаганини биринчи менга айтган эди. Вақтида шифокорга олиб борганимда, балки сақлаб қолармидим. Ундан кейин фильмларга кўп чақиришди. Менинг жуда ҳам кўнглим қолиб кетди. Балки мен бўлганимда, шунақа бўлмас эди. Мен Чирчиқда суратга олишда бўлмаганимда бундай бўлмасмиди деб ўйлаб, тушган таклифларга Карим Мирходиевни гонараридан кўпроқ пулни айтганман чақримасин деб. Бу менинг фикрим, ўша пайтда Жамшид ‘юлдузʼ бўлиб кетибди, юлдузлик касаллигига учраган шунинг учун катта сўраяпти дейишган», — дейди у.