Актёр, телебошловчи, Гули Асалхўжаеванинг ўғли Жаҳонгир Хўжаев ўзининг Instagram саҳифасида Асал Абдуллаева билан тўйини кейинга қолдирмоқчилигини маълум қилди.

Унинг сўзларига кўра, Instagram’да кўпчилик мухлислари кино учун нима қилмоқчисиз, қаерга кетяпсиз деган саволлар берган. Актёр бу саволларга Америкага кермоқчилигини таъкидлаган.

«Хуллас тўй кейинги йилга қолади. Биласиз, институтда режиссёрликни битирганман. Қачонгача кинойимиз ривожланмайди. Қачонгача оскар олмаймиз. Шуни мен қилмоқчиман. Режаларим катта ва ниятим жиддий! Худо хохласа иншааллаҳ инглиз тилини ўрганиб Америкага кетаман. Америкага кетишим учун менга инглиз тили керак! Сабаби мен Ўзбекистон Давлат Санъат ва Маданият институтида Эстрада Режисcёрлик йўналишида ўқидим шунинг учун кинога бўлган меҳрим ўзгача. Ёшлигимдан нийят қилардим, орзу қилар эдим. Энди навбат янги ижодга», — дейди у.

Эслатиб ўтамиз, аввалроқ Жаҳонгир Хўжаев ҳамкасби Асал Абдуллаева билан турмуш қуришини маълум қилганди.