Болливуднинг таниқли актёрларидан бири Амир Хон фильмларда роль ижро этганидан сўнг йиғлашини ва бунинг учун жуда кўп сабаблар борлиги ҳақида гапирди. 

Амир Хон маҳаллий нашрлардан бирига берган интервьюсида суратга тушиш жараёнидан сўнг хонада ёлғиз йиғлашини сабаби ўзи ижро этаётган роллардан қониқмаётгани ва кўплаб мухлисларининг танқидига учраши бўлганини айтган.

«Мен хонамга қамалиб йиғлайман. Роль ижро этган фильмларим муваффаққатсизликка учраганда ғамдан, мухлисларимга ёқса қувончдан йиғлайман. Сўнгги вақтларда фильмлардаги рақс саҳналарида бироз қийналяпман ва ўзим истгандек ижро этолмаяпман. Бунга мухлисларимнинг муносабати танқидий бўлди ва мен яна йиғлашдан ўзимни тийиб туролмадим»,— дейди ҳинд актёри Амир Хон.

Маълумот учун, Амир Хон шу пайтга қадар 40 дан ортиқ кинофильмларда роль ижро этган. Унинг иштирокидаги «Жоним фидо», «Уч савдойи», «Қасос», «Тезлик» каби фильмлар дунё бўйлаб ўз мухлисларини топган.