Хонанда, бастакор Жасур Кенжаев Аҳад Қаюм ва Фаррух Раимов жанжалига муносабат билдирди.

У Аҳад Қаюмдан бухороликларни шарманда қилмасликни сўраган. Шунингдек, ҳамма машҳурларнинг эрлари ҳам алфонс эмаслигини таъкидлаган.

«Укам бир гапни гапирибди. Умри узоқ бўсин. Машҳур хонанда қизларга уйланиб, ўшанинг пулига яшайдиган акаларга тегишли дебди. Фаррух билан урушдигнми? Бирданига унинг ўзига айтиш керак. Лекин машҳурларга уйланганларнинг ҳаммаси алфонс ёки унинг орқасидан пул топади деганимас. Уларнинг ўртасида болалари бор. Бу муҳаббат дейилади. Улар бир-бирини топган. Гулсанамнинг, Юлдуз Турдиеванинг ёки бошқаларнинг эрига нима қибди? Шуни тушунмаяпман. Уларнинг ҳаммасини альфонс деб бўлмайди. Муҳаббат ҳақида шеър ёзасизку. Муҳаббат ёш ҳам, одам ҳам танламайди. Шунинг учун инсон салгина тилига хушёр бўлиши керак. Ахир Бухороликсиз. Бухороликларни шарманда қилманг», — дейди хонанда.

Эслатиб ўтамиз, аввалроқ хонанда Аҳад Қаюмни ўлдириш билан таҳдид қилган эди. Шундан сўнг актёр унинг мазкур таҳдидига жавоб қайтарган.