Актриса, стендапер Индира Мифтаҳова YouTube’даги «Chotki TV» лойиҳасига берган интервьюсида «Dugonalar shou»нинг ажралиб кетиш сабабларини айтди.

Унинг сўзларига кўра, асосий сабаб иккита бўлган. Индира Мифтаҳова бу сабаблардан янги қизларнинг қўшилгани ва «Бир ками тўлмаган дунё» сериали эканини айтди. Шунингдек, актриса яқинда концерт қўйишоқчи эканини таъкидлади.

«Бизнинг тарқалишимизнинг асосий сабаби иккита бўлган. Биринчиси мен концерт қиламан деб янги қизларни қўшишни бошладим. Улар танилиш учун меҳнат қилган. Улар нима учун яна кимнидир танитиши керак? Уларга алам қилади. Мен продюсердек фикрлаганман. Жамоа кўринсин деганман. Ҳаттоки, ‘Dugonalar shouʼ ишга тушгандан кейин бир йил ўтиб мен четда туришни бошлаганман. Бошқаларга кўпроқ ҳазил ёзардим. Наргиза Абдуллаевани қўшдим индашмади. Чунки биз ҳаммамиз у билан яхши эдик. Кейин Азиза Низомовани қўшганимда, бўлди Индира бошқа қизга рози бўлмаймиз деди. Ундан кейинги қизни қўшгандим Баҳора Арслонова мен профессионалман. Ўқиган қизлар билан ишлайман деди. Қарасам, унга ёмон қарашяпти. Мен кимни хафа қилишса, ўшанинг ёнини оламан. Балки ўша пайти ҳамманинг ёнини олишим керак эди. Мен жамоада янги қиз бўлишини хоҳлардим. Шу нарса учун курашдим. Продюсер билан мақсадимиз концерт қилиш бўлган. Иккинчи жиддий сабаби сериал бўлган. ‘Бир ками тўлмаган дунё’ сериалида ҳаммиз чиқишимиз керак эди. Мен рози бўлмадим. Кўрсатувни устун кўрдим. Тўғри бизнинг муносабатимиз яхши эмасди, лекин биз тарқалиб кетмасдик. ‘Dugonalar shou’ яқинда концерт беради, лекин кимлар иштирок этишини айтолмайман», — дейди у.