Сўз устаси, актёр Шукурулло Исроилов ўқувчилик вақтларида Ғуломжон Ёқубовнинг қўшиғини айтгани учун калтак егани ҳақида гапирди.

Унинг таъкидлашича, 6 сингда ўқиётган пайтида «Алифбе» байрамининг тайёргарлик жараёнига чақирилган. 1 синф ўқувчиларига «Cевгига ким бўлмас дучор?» деган қўшиқни айтиб берган. Мактаб директори актёрнинг бошига урганини ва урушганини таъкидлаган.

«Мен мактабнинг 6-7 синфида ўқиб юрган пайтим сизнинг ашулангизни айтиб, директордан роса гап эшитганман. Бир куни ‘Алифбе’ байрамига тайёргарлик жараёнига чақиришган. 6 синф эдим ўшанда 1синфдагиларга ‘Cевгига ким бўлмас дучор?ʼ, деган қўшиқни айтаётсам, директор бошимга бир уриб: ‘биринчи синф боласига севги ҳақида қўшиқ ўргатасанми? Ўзинг ҳали ёш бола бўлсангʼ, деб урушиб берган», — дейди сўз устаси.