Қизиқчи, сўз устаси, актёр Шукурулло Исроилов ўзининг саҳифасида Қирғизистоннинг Бишкек шаҳрига жўнаб кетаётганини маълум қилди.

Унинг сўзларига кўра, Бишкекка ўзбекистонликларнинг яхши кунларида хизматда бўлиш учун жўнаб кетди. Бундан ташқари, бошқа кўплаб санъаткорлар ҳам шу муносабат билан кетаётганини айтиб ўтган.

«Азизлар, сиз билан гаплашмаганимга ҳам анча бўлди. Бугун пайшанба ош қилинадиган кун, лекин ҳозир биз Қирғизистоннинг пойтахти Бишкекка жўнаб кетяпмиз. Аэропортга келдик. Бишкекка халқ хизматига кетяпмиз. Ана шу ердаги ватандошларимизнинг яхши кунларида хизмат қиламиз. Мендан бошқа яна санъаткорлар ҳам бор. Сафарларимиз бехатар бўлсин. Сиз эса саломат бўлинг. Бишкекка борганимиздан кейин сиз билан алоқада бўлиб турамиз», дейди сўз устаси.