Актриса Муқаддас Саъдуллаева турмуш ўртоғИ Йигитали Мамажоновнинг камчиликлари нимада эканини айтди.

Унинг таъкидлашича, болалигидан отаси каби инсонга турмушга чиқишни орзу қилган. Бироқ, тақдир сабабли биринчи турмуши ўхшамаган. Шундан сўнг отаси каби инсон ягона эканини тушунган.

«Менимча, ҳар бир қиз келажакда ўз отасига ўхшаган инсонга турмушга чиқишни орзу қилади. Кўп қизларнинг ҳам идеалидаги инсон айнан отаси бўлади. Мен ҳам ёшлигимдан ҳар доим отамдек мард жасур, хуллас ҳар томонлама отамга ўхшаган инсонга турмушга чиқаман деб ният қилардим. Йиллар ўтиб вояга етиб, ҳаётнинг савалаган бераҳм тақдиридан озор чекканимда отам битта эканлигини, отамдек инсон бошқа туғилмаганига амин бўлдим», — дейди актриса.

 

View this post on Instagram

 

Публикация от Sadullaeva Muqaddas (@muqaddas_sadullaeva)

Муқаддас Саъдуллаева, шунингдек, Йигитали Мамажоновни учратганидан сўнг бу қарори хато бўлганини таъкидлаган. Лекин, унда отасида бор камчиликларни кўрганини ҳам айтиб ўтган.

«Вақт ўтиб бу қарорим нотоғрилигини, (Ин ша Аллоҳ) чин тақдирим турмуш ўртоғимни учратганимда тушуниб етдим. Сабаби улар шу даражада отажонимга ўхшаш ҳарактерга эга эдики, ҳар бир гаплари, ҳар бир қилиқлари худди дадажонимни қуйиб қўйгандек ўзлари эди. Ҳалигача ҳайрон қоламан мехрибонликларию, ҳар доим ҳар жойда фақат ҳақиқатни, аччиқ бўлса ҳам ҳақиқатни гапиришигача худди отам. Баъзида бир нарсани ўйлаб қоламан, отамга ўхшаган инсонни ният қилибманку Яратгандан худди улардек инсонни сўрабманку, фақат бир нарсани аниқ сўраш ҳаёлимга ҳам келмабти, худди отамдек инсон турмуш ўртоғим бўлсин, Отамнинг энг яхши хислатлари унда мужассам бўлсин, камчиликлари у исонга ўтмасин демабман. Айтиб ўтганимдек, турмуш ўтоғим, отамдек аччиқ ҳақиқатни, керак ва керакмас жойларда гапиришлари мени кўпинча ноқулай вазиятларга солиб қўяди. Шу пайтда онажоним ёдимга тушадилар, Отам ҳам ўз даврларида, ҳар ерда Хақиқатни кўп гапириб ўзларига кўп душман орттириб, азиятни эса онажоним чекардилар. Шунақа гаплар», — дейди у.