Хонанда, актриса Шоира Отабекова YouTube’даги «Shok.uz» лойиҳасига берган интервьюсида Шаҳзода билан муносабати ҳақида айтиб берди.

Унинг таъкидлашича, ҳозирда Шаҳзода билан гаплашмайди. Бунга эса «Тarona records»дан кетганидан сўнг бўлган воқеалар сабаб бўлган.

«Жанжал, тўполон қилиб кетмаганман. ‘Таrona records’дан ўзимни хоҳишим билан, пулларини тўлаб кетганман. Улар менга пул тикишган. Ўнта қўшиқ ёзиб берганман. Ўша пайтда йигирма икки минг тиккан. Пулини тўлаб, қўшиқларимни қайтариб олганман. Мен яккахон бўлиб чиқиб кетганман. Мендан кейин ‘Сетораʼ гуруҳи чиққан. Кейин келишилган хонанда чиқмаган. У Шаҳзода эди. Ўзимиз яккахон ишламоқчи бўлганмиз. У турмушга чиқди ва қолиб кетди. Тақдир тақазоси билан биз кетдик, қолганлар қолди. У ерда роса гап-сўзлар бўлган. Ўзаро гаплашиладиган гапларни хўжайинга бошқача етиб борган. Булар нонкўрлик қилиб чиқиб кетди, яхшиликни билмади деган нарса бўлган. Мен ўша ердан кетганимдан кейин ҳам неччи йилдирки, ҳамма жойга ‘запретʼ бўлганман. Шаҳзода билан орамиз қандай яхши бўлиши керак? Зўр бўлганмиз ўша пайти шунақа ўйинлар бўлган. Ҳамма юзингизга чиройли гапириб шундай ишлар қилган. Ҳозир гаплашмаймиз», — дейди у.