Актриса, хонанда Рухшона Instagram сафасида қилган жонли эфири пайтида эри режиссёр Санжар Маткаримовнинг уйидан кўчиб кетаётганини маълум қилди.

Унинг сўзларига кўра, уйдан ўзига тегишли нарсаларни олиб кетган. Хонанда бундай нарсаларни муомала, маданият билан ҳал қилиш мумкинлигини айтди. Бироқ актриса ўзига тегишли 128 доллорлик «стойка»ни қолдириб кетаётганини таъкидлади.

«Ҳа, уйни бўшатиб бердим. Худойим пешонамга янги уйлардан буюрсин. Эрим билан яшаш ниятим йўқ. Ҳамма нарсани яхшиликча, муомала, маданият билан ҳал қилса бўлади. Камераларни ёқиб олиш эркак кишининг иши эмас. Анави ‘стойкаʼ ҳам меники эди. ‘iPad’га олгандим. Шуни деб ҳам тўполон қилмасин. Ўша пайти уни 128 долларга олгандим. Майли, Худо пешонамга берсин», — дейди актриса.

Маълумот учун, хонанда клипмейкер Санжар Маткаримов билан 2014 йил 2 ноябрь куни турмуш қурган эди. Рухшона ажрашгани ҳақидаги хабарни 2021 йилнинг 14 октябрь куни ўз Instagram саҳифасида эъон қилганди. Шу билан бирга, Рухшона эри билан нима сабабдан ажрашганини айтгани ҳақида маълумот берилганди. Шунингдек, у ажрашувдан кейин имиджини ўзгартирганди.