Россияда мактаб ўқувчиси Джиганнинг ярим яланғоч сурати туширилган дафтар ишлатгани учун ўқитувчисидан гап эшитди.

Валера исмли йигит Джиганнинг сурати сабабли математика фани устозидан гап эшитганини, ўқитувчиси ундан дафтарини ўзгартиришни талаб қилганини айтган. Бунга сабаб эса хонанданинг яримяланғоч ҳолда тушган сурати бўлган.

Шунингдек, ўқувчи устозидан дафтарни алмаштирмасликка рухсат сўраганида рад жавобини олган.

«Тушунмадим, нега алмаштирмаслик керак экан. Фанни, ўқитувчини, ва мактаб талабларини ҳурмат қилиш керак. Агар шунақа дафтар ишлатгинг келса шахсий ёзишмалар учун ишлат», — дея жавоб қайтарган устози.