Ҳозирги кунда Халқ депутатлари Чилонзор туман кенгаши депутати сифатида фаолият юритаётган Шоҳрух рэпер янги рэп айтаётганини маълум қилди.

Хонанда ўзининг Instagram саҳифасига видео жойлаб, студияда янги рэп устида ишлаётганини айтган. Рэпердан кўплаб мухлислари янги ижод маҳсули кутаётганини билдрган. Шоҳруҳ тез орада премьера қилинишини таъкидлаган.

«Янгиси қачон бўлади деб сўраганлар учун, мана бугун янги рэп устида иш бошладик», — дейди депутат.

Маълумот учун, Шоҳрух 2016 йилнинг май ойида 2 ёшли ўғли Исломнинг онаси Златага уйланган эди. Ўшанда репер аслида у Злата билан 2,5 йил аввал никоҳдан ўтган, бироқ тўй қилишга шароити бўлмагани учун тўйни кечроқ ўтказганини маълум қилган эди. Шоҳрух ва Злата 2016 йилнинг декабрь ойида қиз фарзандли бўлган эди. Қизчага Лейла деб исм қўйилган.

Шунингдек, Шоҳруҳ Шодмонов 2019 йил ЎзЛиДеПдан Тошкент шаҳар Чилонзор тумани кенгашига халқ депутати этиб сайланган.