Ўзбекистонда хизмат кўрсатган артист Равшан Комилов 1 октябрь муносабати билан барча устозларни табриклади.

Хонанда ўқитувчилари сабаб кам бўлмаганини таъкидлаб, уларга миннатдорлик билдирган. Шунингдек, устозларга ўз тилакларини билдирган.

«1 октябрь Устоз ва мураббийлар куни. Мен шахсан ўзимнинг номимдан барча юртдошларимиз номидан устозларимизни байрам билан табриклаб, соғлик-саломатлик тилаймиз, бахту саодат тилаймиз. Биз устозларимизнинг тарбиясини олиб кам бўлганимиз йўқ. Уйда ота-онамиз, мактабда устозларимиз бизга шунчалик сабоқ берганки келажакда қоқилмасликка ундашган. Халқига, юртига хизмат қиладиган даражада илм берган устозларимиз соғ-саломат бўлишсин, байрам муборак бўлсин», — дейди Равшан Комилов.