Раққоса Паризода нима сабабдан таклиф қилинган бўлса ҳам Тошкент халқаро кинофестевалининг 3 октябрь куни бўлиб ўтган ёпилиш маросимига бормаганини маълум қилди.

Унинг таъкидлашича, маросимда жамоаси билан рақс ижро этиши керак бўлган. Бироқ, Самарқандда тўй хизмати борлиги сабабли у мазкур тўйни танлаган. Шунингдек, эндиликда карьера учун эмас, моддий ҳаёт учун ижод қилишини таъкидлаган.

«Бугун фестевалнинг ёпилиш маросимида рақс ижро этишимиз керак эди. Лекин минг афсуслар бўлсинки бугунги Самарқанддаги ишимиз ҳамма нарсадан устун келди. Биз бу ерни танладик. Карьерам қолиб кетяпти десам, энди йиғиштиринг карьерани дейишябди. Бир пайтлар орзу қилган нарсаларимга бора олмас эдим, энди орзу қилган нарсаларимга боргим келмаяпти. Вақти келганда айнан ижод учун, керера учун жуда фидоий бўлиб, моддий тарафлама ҳаражатларга берилиб, атрофимдагиларни қийнаб қўйганимни кўп айтишади. Кўп жонингизни фидо қилиб ижод қиласиз. Лекин ҳеч қандай жавоб кўрмаганингиздан кейин озгина кўнглингиз оғриб қолади», — дейди Паризода.