Раққоса, актриса Паризода Instagram саҳифасида 15 январдан бошлаб эмланмаганлар ҳатто дўконга ҳам киритилмаслигини айтди.

Паризода бу гапларни Instagram’даги обунчиларига янгилик сифатида таъкидлаб ўтди. Ўзи эса бу янгиликни Ички ишлар вазирлигида ўтказилган мажлисда эшитган. Шунинг учун у иммунитетни кўтариш кераклигини айтди. Актриса дам олишга кетишни режалаштирган, бироқ баъзи сабабларга кўра, кейинга қолдирган.

«Ва ниҳоят ишхонамдан, яъни мажлисдан чиқдим. У ерда нима гаплашилганини сизларга янгилик сифатида айтмоқчиман. 15 январдан ким вакцина олмаган бўлса, ишхона у ёқда турсин дўконга ҳам киргизишмас экан. Шунинг учун, иммунитетимизни кўтаришимиз керак. Айниқса, мен дам олишга кетмоқчи эдим, бу ҳам ‘тагига олди’. Пешонамга фақар ишла деб ёзилганми? Майли, ҳазил. Ҳаммасига шукур», — дейди у.

Паризода Алишер Файзнинг 14-19 декабрь кунлари «Халқлар дўстлиги» санъат саройида бўлиб ўтган концерт дастурида чиқиш қилган эди. Бунгача улар бир неча йилдан бери ижодда ўзаро танаффус қилган. Ўша концертда Алишер Файз бундан кейин ижодий ҳамкорлик давомли бўлишини айтганди.

Шунингдек, раққода 28 декабрь куни тўнғич қизи Эъзозанинг таваллуд айёмини нишонлаганди. Унинг қизи 2021 йилда 10 ёшга тўлди. Бундан ташқари, Паризода 8 январь куни илк бор ўғли Абдулқодир 1 ёшга тўлганда унинг юзини кўрсатди.