Озода Нурсаидованинг туғилган кунида ёнғин ичида қолган Азиза Низомованинг менежери — Гавҳарнинг соғлиғи ҳақида маълумот берилди.

Инстаблогер Озод Ҳуррамов хонандани табриклаётган вақтида у орқада шарларни кўтариб турган бўлган. Шарлар йўлакча четида турган салютларга теккан ва ичидаги газ сабабли портлаб кетган. Шу сабабли ёнғин келиб чиққан.

Азиза Низомованинг менежери бўлган Гавҳар исмли аёл эса ёнғин ичида қолиб кетган. Унинг маълум қилишича, ҳозирда соғлиғи яхши, фақат сочларига зарар етган. Бугун эса у сочларини операция қилдирган.

«Личкам тўлиб кетди. Ҳаммаси яхши, ёниб кетмадим, шарлар меники эмасди, бўлган нарса бўлди. Омад ҳамма нарсани ҳал қиларкан. Шунчалик ҳавотир олиб ёзганларга раҳмат», — дейди у.

Эслатиб ўтамиз, аввалроқ ёнғин бўлган вақтда раққоса Паризода ҳам ўша ерда бўлгани ҳақида хабар берилганди. У Гавҳарнинг ортида видеога олаётган бўлган.