Актриса, телебошловчи Луиза Расулова отасининг вафотидан сўнг кўрган қийинчиликлари ҳақида гапириб берди.

Унинг сўзларига кўра, актриса отасининг ўлимидан сўнг стрессга тушиб қолган ва бундан чиқиш учун тинмай ишлаган. Шунингдек, қариндошларига ҳам суяна олмаганини таъкидлаган.

«Инсонларда мактаб давридаги севги бўлади. 14-16 ёш атрофида. Айнан ўша севги яъни эрталабгача телефонда гаплашиш менда бўлмаган. Менинг севги ёки бошқа нарсага вақтим бўлмаган. Дадамдан кейин мен стресс ҳолатдан чиқиб кетиш учун фақатгина ишлаганман. Акам билан менда онам учун нимадир қилиш нияти бўлган. Чунки биз яқинларимизга, қариндошларимизга суяна олмаслигимизни ҳис қилганмиз. Бизнинг нонсиз қолиб кетган пайтларимиз бўлган», — дейди актриса.