Хонанда Муниса Ризаева Instagram саҳифасида ўзининг янги очилган боғчасига ишчи қидирётгани ҳақида маълум қилди.

Унинг сўзларига кўра, боғчасига янги таркиб олган. Хонанда олдинги ишчилар унинг номидан фойдаланиб, пул ишлагани сабабли янги таркиб олаётганини ва ўзи ҳам иложи борича боғчасига боришини таъкидлади.

«Ассалому алейкум, азиз мухлисларим. Менда мурожаат бор. Мен ўзимнинг шахсий боғчамни очганман. Ҳозир янги таркиб олинган. Чунки ундан олдин ишлайдиган одамлар мени хафа қилиб, мен орқали пул қилиб, менинг номимни сотиб одамларни бошқа боғчага чақирган. ‘Муниса Ризаеванинг боғчасиʼ деган. Лекин у менинг боғчам бўлмаган. Шунинг учун янги одамлар қўйилган. Боғчамга шахсан ўзим қараяпман. Ҳамма нарса назоратда. Бизга логопед, массажчи ва гимнастикани ўргатадиган одам ҳам керак бўлади. Худо хоҳласа биргаликда ишлаймиз ва албатта болаларга қараймиз. Чунки мен айнан ўзим жуда болаларни яхши кўраман. Худо хоҳласа максимал даражада ўзим ҳам боғчамга келиб, болалар билан биргаликда ўйнайман, гаплашаман, керак бўлса инглиз тилини ўргатаман», — дейди у.