Актёр Муҳаммадали Алиев YouTube’даги «YashinTV» лойиҳасига берган интервьюсида турмуш ўртоғи билан қандай танишгани ҳақида айтиб берди.

Унинг сўзларига кўра, актёрнинг турмуш ўртоғи Камила исмли синфдошининг университетдаги дугонаси. Унинг расмини Камиланинг телефонида кўриб қолган ва уни кейинроқ қидириб топган.

«Менинг Камила деган дўстим бўларди. Синфдошим, битта партада ўтирардик. Йўқ, Гимандинова эмас, бошқа Камила. Ўша қиз мен хоҳлаётган университетга топшириб кирган. Мен киролмаганман. Тўсатдан, унинг дугонасини кўриб қолганман. Уни Инстаграмъдан топдим. Бошида шунчаки кузатганман. 13 февралда кеч пайти унга ёздим. Эртаси куни жавоб келган. Бошида гаплашиб юрдик. Ният турмуш қуриш бўлган. Биз тенгдошмиз. Унинг оиласига ҳам, менинг оиламга ҳам буни қабул қилиш қийин бўлган», — дейди актёр.