Актёр Муҳаммадали Алиев YouTube’даги «YashinTV» лойиҳасига берган интервьюсида дўсти билан бошлаган, бироқ узоққа бормаган бизнеси ҳақида гапириб берди.

Унинг сўзларига кўра, яқин дўсти билан бизнес бошлаган. Улар скутерларни етказиб бериш хизматини йўлга қўйган. Лекин банкдан кредит олиш учун улар ҳеч кимни аралаштиришни хоҳлашмаган. Шундан кейин актёр бизнесни давом эттиришни хоҳламаган. У ҳозир дўсти билан гаплашмаслигини таъкидлади.

«Мен битта дўстим билан бизнес бошлаганман. Ҳеч қачон дўстингизни йўқотишни истамасангиз, бирга бизнес бошламанг. Гаплашмай кетганмиз. Шунчаки бир-биримизни тушунмаганимиздан бизнес тўхтаган. Бизнесиниз скутерларни етказиб бериш хизмати эди. Буни биринчи бўлиб биз қилганмиз. Албатта хатолар қилганмиз. Иккита скутердан бошлаганмиз ва элликтагача етиб келгандик. Бизга бизнесни юрғизиш учун пул керак бўлиб қолди. Банкка бордик. У ҳам мен ҳам кимнидир аралаштиришни хоҳламаганмиз. Бу менга ёқмаган ва мен давом эттиришни хоҳламаганман. Ҳозир гаплашмаймиз ўша дўстим билан», — дейди актёр.