Журналист, актёр, қизиқчи, «Миллион» жамоаси етакчиси Даврон Қабулов YouTube’даги «Intervyu Tv» лойиҳасига берган интервьюсида жамоа аъзоларига қай тартибда гонарар берилишини айтди.

Унинг сўзларига кўра, гонарар ҳар томонлама иштирокчининг меҳнатига яраша берилади. Шунингдек, актёр 3-4 жамоа аъзосининг Тошкентда яшаши учун квартира пулини ҳам тўлашини таъкидлади. Гонорар концерт учун алоҳида, репетиция учун алоҳида берилади.

«Ҳар бир одамнинг гонарари берилганда, розимисан деб сўралади. Энди гонарарлар бир-биридан тубдан фарқ қилади. Чунки гонарарда бу ижодкорнинг омма учун қанчалик қизиқарли экани, жамоадаги стажи қандай экани, айнан мана шу концертга тайёргарлик жараёнига қанчалик ҳисса қўшди, саҳнада қанча ҳажмдаги ишни бажарди, ўша номерларнинг нечтаси халққа жуда манзур келди, нечтасида ғояда иштирок этган. Буларнинг барчаси инобатга олиниб, гонарар белгиланади. Сенинг қошинг қуюқ экан деб кимгадир кўпроқ пул берилмайди. Гонарарлар бир-биридан жуда кескин фарқ қилади. Мисол учун, кимдир 10 сўм олиб туриб, бошқа одам 300 сўм олиши мумкин. Бу мен санаб ўтган факторларга қараб берилди. Бизда репетится учун, концерт дастури учун алоҳида гонарар берилади. Ундан ташқари, жамоанинг 3-4 та аъзосининг квартирасига тўлайман. Яна ҳар хил чегирмалар бор», — дейди журналист.

Эслатиб ўтамиз, аввалроқ Актёр, қизиқчи, «Миллион» жамоасининг собиқ аъзоси Умид Ҳайдаров жамоа билан содир бўлган бахтсиз ҳодиса ҳақида гапириб берганди.