Актриса Азиза Ёқубова Рухшона олиб бораётган «Бола тилидан» кўрсатувини энди у олиб боришини айтди.

Унинг сўзларига кўра, юзга яқин шоу-бизнес вакиллари мазкур кўрсатувга бошловчилик қилиш учун кастингга келган. Бироқ кастингда у танланган. Бунинг учун режиссёр, продюсерларга миннатдорлик билдирган.

«Болаларни жуда яхши кўраман. 100 га яқин шоу-бизнес вакилларини кастинг қилиб, мени шу кўрсатувга лойиқ қилишгани учун миннатдорман. Кўрсатув тўхтган эди. Унга чиқмасам режиссёр, продюсернинг шунча йиллик меҳнатлари йиғиштирилиб, ёпилиб кетмайди. Мен чиқмасам ўрнимга бошқасини олишади. Бошловчи ўрнига бошловчи бўлдим холос. Саволлар аввалдан тузилган бўлади. Болаларни яхши кўраман, дунёдаги ҳамма бола менинг болам», — дейди у.

Актриса, шунингдек, уни танқид қилаётганларга ҳам ўз жавобини қайтарган.

«Хатоларимни кутиб турган инсонлар, ҳеч ким онадан ақлли бўлиб туғилмайди. Секин-секин тажриба ошириб ўрганади. Инсонни камчилигини қидиришдан олдин ўзингизни унинг ўрнига қўйиб кўрингчи, сиз эплай оласизми? Ҳаммангизни яхши кўраман. Азиза Ёқубоваман ва кўрсатувни Азиза Ёқубова бўлиб олиб бораман», — дейди Азиза Ёқубова.

Эслатиб ўтамиз, аввалроқ Рухшона мазкур кўрсатув режиссёри Санжар Маткаримов билан ажрашгани учун бошловчиликдан кетганини маълум қилганди.