Актриса Луиза Расулова ундан узр сўраган Рухшонага кескин жавоб қайтариб, у ёзган хабарни обуначиларига кўрсатди.

Унга кўра, Рухшона Луиза Расуловани ҳурмат қилишини, ёшлигида бегона эркак билан яшагани ҳақидаги гапларни ёлғон айтганини таъкидлаб ёзган. Бироқ актриса ҳаммасидан хабардор эканини айтиб, узрига кескин жавоб қайтарган.

«Яқиндагина Рухшонадан хабар келибди. Ҳурматли Рухшонахон мана сиз аллақачон катта аёлсиз. Фарзандларингиз бор. Мен ҳали 26 га тўлган ёш қизман. Турмушга чиқмаганман. Мен тан олганингизга қойил қолдим. Агар тан олмаганингизда жуда ҳам паст одам деб ҳисоблардим мен сизни. Тан олибсиз мени ҳурмат қилар экансиз, мени яхши кўраркансиз мени ўзимнинг меҳнатим, ҳаракатим билан ҳамма нарсага эришганимни ёзибсиз. Танишингиз менга етқазганини ҳам тан олибсиз. Мен у инсонни синадим дебсиз. Сизга у инсонни синашни ким қўйибди? Сиз у инсонни ўн беш йиллик акам дегансиз. Қадрдоним, туғишганим деб бориш-келишинглар йўқмиди? Мен ҳамма нарсани биламан. Уйингизга рўзғор қилиб берганини, болаларингизни кийим-кечагига сизни қандайдир ҳаражатларингизга пул бериб, ака-сингил бўлиб юрганини биламан. Туғишган деб қабул қилган инсонингизни синашга ҳаракат қилдингизми? Бу синовда мени нима алоқам бор? У инсонга сиз мен уни жуда яхши биламан, у менинг қўшним бўлган. ёшлигида катта киши билан яшаган дебсиз. Сиз мени педофилияда айблаяосизми? Мен керак бўлса исботлаб бераман. Менда далил бор дебсиз. Нега кўрсатмадингиз?  Бир инсонни синаш учун у мавзуга умуман алоқаси йўқ бўлган инсонни лойга тиқиш шарт эмас. Сиз у одамни синашингиз керак эмас. У одам сизни синаши керак. Менга қанча арзон рекламалар таклиф қилгансиз. Мен қанча йўқ деганман. Оилангиз учун ҳаракат қилаётганингиз учун хўп дедим. Бутикдан пул олгансиз Луиза мана шунчага қўяди деб, лекин бермагансиз. Лентангизда фақат арзон нарсаларнинг рекламаси. Биз санъаткормиз. Одам ўзининг қадрини билиши керак. Ёнингизда бирорта яқинингиз йўқ шунинг учун арзон рекламалар билан шуғулланасиз», дейди Луиза Расулова.

Эслатиб ўтамиз, аввалроқ актриса «Аldama meni» кўрсатувига берган интервьюсида Рухшона унинг номидан рекламачилардан пул олиб, актрисага бермаганини ошкор қилганди.