Россиянинг таниқли сатирик актёрларидан бири Максим Галкин талабалик даврида қанча гонорар олганини маълум қилди.

«Россия Примадонна»сининг турмуш ўртоғи Максим Галкин маҳаллий нашрларнинг бирига берган интервьюсида талабалик даврида қанча гонорар олгани ҳақида гапирди. У бундан 22 йил аввал Россия театрларининг бирида фаолият олиб борган. Максим Галкин 1999 йилниннг декабрь ойигача метрода юрганини, сабаби у олган 3 000 доллар гонорар пули яшаши, кийинишига етмаганини айтди.

«Мен 1999 йилнинг декабрь ойигача метрода театрга бориб келардим. У ердан олган гонорарим яшашим ва кийинишимга зўрға етарди. Талабаликда олган гонорарим 3 000 доллар бўлган», — дейди Максим Галкин.

Сатирик актёр Максим Галкин 1994 йилда Россиядаги машҳур театрларнинг бирида саҳналаштирилган томошадан кейин таниқли сиёсатчиларнинг пародиялари билан чиқиш қила бошлади.

Алла Пугачёва ва Максим Галкин шу йилнинг 23 декабрида турмуш қурганининг 10 йиллигини нишонлади. Маълумот учун, Алла Пугачёва 2011 йилда актёр Максим билан турмуш қурган. Ҳозирда уларнинг Элизабет ва Гарри исмли эгизак фарзанди бор.

Аввалроқ Максим Галкин ўғлини биринчи марта саҳнага олиб чиққани ҳақида хабар берилган эди.