Актриса Луиза Расулова Туркиялик ижодкорлар суратга олган «Муҳташам юз йил» сериалида малика Изабелла ролига кастингдан ўтгани лекин ўйнашдан бош тортганининг сабабини айтди.

Унинг сўзларига кўра, акаси Украинага ўқишга борганда, кастингни кўриб қолади ва актрисани чақиради. У «Муҳташам юз йил» сериалидаги малика Изабелла ролига кастингдан ўтган. Лекин Луизанинг таъкидлашича, бу қаҳрамоннинг очиқ саҳналари кўп бўлгани учун рад этган. Актриса сериал чиққанидан кейин рад этгани учун афсусланганини айтди.

«Таклиф ҳам бўлган. Украинада уруш бошланишидан олдин акам борганда ‘Муҳташам юз йилʼ сериалига кастинг бўлган. Чунки унда украин қизлар ҳам ўйнагнку. Ўша ерда малика Изабелла роли бор. Мен ўша ролга кастингга борганман. Кастинг бўлган. Ҳаттоки, Туркиядан туриб режиссёрлар видео қўнғироқда кастинг ҳам қилишган. Жуда ҳам очиқ саҳналари борлигини кейин билганман. Бу нарса менга тўғри келмайди деб ўйлаганман. Уларга қора сочли, кўзи катта, қандайдир Осиё кўриниши керак бўлган. Малика Изабелланинг ўша ерда роли бор. У асирга олинган бўлади. Ўша ролда кастингдан ўтганман. Лекин рад этганман. Очиқ ечинадиган саҳнаси бор эди. У пайти ёш эдим. Мен ҳали паспорт олмагандим. Сериал чиққандан кейин афсусланиш бўлган. Чунки кучли сериал бўлган. У ерда пулмас кастингдан ўтганингизнинг ўзи катта бахт эди. Чунки жуда кўп давлатлардан кўплаб қизларни кастингдан ўтказишган», — дейди актриса.