Журналист, продюсер Лола Зуннунова YouTube’dagi «YashinTV»га берган интервьюсида Мўмин Орипов билан боғлиқ хотиралари ҳақида гапириб берди.

Унинг сўзларига кўра, улар Маннон Уйғур номидаги Тошкент давлат санъат интитутида бирга ўқиган. Лола Зуннунова Мўмин Ориповни яхши тарбия кўрганини таъкидлади. Улар яқин дўст бўлган. Хонанда 29 июнь куни Сурхондарёда авто ҳалокатдан вафот этган. Шу куни Лола Зуннунованинг туғилган куни бўлган. У ўлим ҳақидаги машъум хабарни эшитиб, жуда хафа бўлганини таъкидлади.

«‘Божаларʼ гуруҳидаги раҳматли Мўмин курсдошим эди. Нафақат, курсдошим балки яқин дўстим бўлган. Жуда тарбияли, исми-жисмига монанд мўмин йигит эди. Талабалик давримни гапириб, Мўминни эсламасликни иложи йўқ. Ота-онаси яхши тарбия берган йигит эди. Аёлларни, қизларни жуда қаттиқ ҳурмат қиларди. Аллоҳнинг қадари билан у менинг туғилган куним яъни 29 июнь куни Сурхондарёда авто ҳалокатдан вафот этган. Туғилган кунимни катта қилиб нишонлайман деб турган пайтим эрталабдан шу машъум хабарни эшитиб жуда хафа бўлганман. Ишонмаганман. У ҳар доим бизнинг қалбимизда. Нариги гуруҳимизда Қобил дебан бола бор эди. Иккалси дўст эди. Унинг исми Қобил эди. Бу Мўмин. Мўминни чақирсак ҳам, Мўмин-Қобил дердик. Қобилни чақирсак ҳам. Бир йил муддат ичида иккита йигит вафот этди. Қобилнинг онаси жуда қаттиқ йиғлаганди. Қаранг қандай дўст экан ўғлим, дўстини ёлғиз қолдирмай орқасидан кетди деб йиғлагани эсимда», — дейди у.