Актриса, стендапер Индира Мифтаҳова «Askar qizlar» лойиҳасининг продюсери билан тортишиб қолгани ҳақида айтиб берди.

Унинг сўзларига кўра, бу кўрсатувнинг ғоясини Кореядаги лойиҳадан олган. Актриса бундай кўрсатув қилишдан мақсади уни жиддий қиёфада қабул қилишини хоҳлаганини айтди. Индира «Askar qizlar»нинг полигондаги суратга олиш жараёнлари бошланганда отаси реанимацияга тушиб қолгани, ўзи ва турмуш ўртоғида ҳам вирус аниқланганини таъкидлади.

«Бу воқеа ‘Askar qizlar’ лойиҳасининг финалида бўлган. ‘Zo’r TVʼ телеканалида ‘Dugonalarʼ шоусидан ташқари, жиддий кўрсатув қилганман. Одамлар мени жиддий қабул қилишини хоҳлаганман. Шу жараёнда жуда кўп кўрсатувларни кўриб чиқдим. 3-4 ой изландим. Охири ‘Askar qizlarʼ лойиҳасининг корейсча вариантини кўриб қолдим. Бу лойиҳа Кореяда биринчи ўринда кетётган топ кўрсатув экан. Кейин шу кўрсатувни олиб ‘Zo’r TV’га бордим. У пайти менинг продюсерим Артур Караулов бўлган. Яна бир нарсани айтиб ўтишим керак, бу лойиҳани қилишда Суғдиёна Азимованинг ҳиссаси катта. Чунки у билан кўришганимда, унда ҳам шундай ғоя бўлган. Продюсерим ўзгаргани сабабли бошқа продюсернинг олдига бордим. У қиламиз деди. Сени ғоя муаллифи қиламиз, яна нима хоҳлайсан деди. Мен бошловчи бўлсам бўлди. Пули керак эмас дедим. Шу пайти отам касалхонага тушиб қолди. Кечки пайт реанимацияга ётқизишибди. Ҳаммани йиғиб тест топширгани кетдик. Бошлиқ ҳамма шароитни қилиб берди. Полигонга кетадиган кунимиз менга боролмайсан сенда вирус бор деди. Кейин Зангиотага олиб кетишди. Турмуш ўртоғим ҳам касал бўлиб қолди. Ўзим касалхонадаман лекин қизлар билан боғланиб турдим. Ўша пайтда отам ўлим тўшагида эди, турмуш ўртоғимнинг ҳам сoғлиғи яхшимас эди. Ўзим ҳам касал эдим. Лекин ҳар жума куни қизлардан интервью олардим», — дейди актриса.

Шунингдек, Индира продюсер уни кўрсатувдаги бошловчиликдан бўшатганини айтди. Актрисанинг сўзларига кўра, ўзининг ғоя муаллифидаги кўрсатувнинг финалига йиғлаб чиққан.

«Иккинчи интервьюга келганимда менга энди сен бошловчи эмассан деди. Мен шокка тушдим. Продюсер менга қизил кийиниб, қизил лаб бўёғи суриб кел деб айтди. Бу ватанпарварлик руҳидаги кўрсатув бу нарса тўғри келмайди десам, айтганимни қил мен продюсерман деди. Кейин бошлиқнинг олдига кирдим. Шуҳрат ака мени бошловчиликдан олиб ташлабсиз, илтимос олманг дедим. У мени бошловчиликдан олмаганини айтди. Кейинчалик продюсер сиз бу кўрсатувнинг муаллифи эмассиз деди. Мен буни русчасини кўрдим. Телеканалларда берилаётган деярли барча кўрсатувлар қаердандир олинганку. Ҳар жума келиб 1-мавсумни титраб олиб бордим. Тўртинчи марта борганимда семирибсан экранга тўғри келмаяпсан деди. Финалга ўзимнинг лойиҳам билан йиғлаб чиқдим. Бу кўрсатувни жуда катта одамлар мақтаган экан кейин эшитдим. Продюсер ғоя муаллифи деб сизни айтишмайди деди. Мен ҳозир қўрқмасдан айтяпман. Лекин 32 ёшимда ўлиб кетишдан қўрқардим. Бу уруш мен билан продюсер ўртасида бўлган. Бошлиқнинг ҳам хабари йўқ эди. Финал куни продюсернинг хотини ишга кирди. Шундан кейин ҳамма қизларга буйруқ беришни бошлади. Энг зўр иштирокчи Асал билан продюсернинг хотини урушиб кетди. У қиз финалга чиқиши керак эди. Чунки уни халқ кутди. Нимага Асал саҳнада йўқ десам продюсернинг хотини билан урушиб кетиб қолган», — дейди у.