«Муҳташам юз йил» сериалида бош роллардан бирини ижро этган актриса Марьям Узерли Янги йил арафасида қизлари билан уй безатгани акс этган форосуратни эълон қилди.

Актриса қизлари билан тушган суратни Instagram’даги шахсий саҳифасига жойлаган ва барча мухлисларини кириб келаётган Янги йил байрами билан табриклаган. Бундан ташқари Instagram’да қолдирган постига қизларининг «Xуррам Султон»га ўхшаши ва онасидек гўзал экани ҳақида изоҳ қолдирган.

«Кичкина қизим ҳам Xуррам Султон’га ўхшайди, каттаси эса ўзимга, улар онаси каби гўзал», — деб ёзган актриса.

Маълумот учун, Марьям Узерлининг катта қизи Лара етти ёшда, кичкина қизи Лили эса 2021 йилнинг январь ойида 1 ёшга кирган. Актриса икки бор турмуш қурган ва кичкина қизининг отаси билан боғлиқ маълумотларни сир тутади.

Муҳташам юз йил» сериалида актриса Марьям Узерли 2011 йилдан бошлаб суратга тушган ва унда Султон Сулаймоннинг рафиқаси Ҳуррам султон образини гавдалантирган. У «Кеча маликаси», «Бошқа томон», «Жингез Режай», каби фильмларда роль ижро этган.

Аввалроқ «Муҳташам юз йил»даги «Хуррам Султон» ва ҳамкасби ўртасида жанжал юзага келгани ҳақида хабар берилган эди.