Актриса Камила Гимандинованинг собиқ турмуш ўртоғи Фаррух Ҳабибуллаев режиссёр Саид Мухторнинг актриса ҳақидаги гапларига муносабат билдирди.

Камила Гимандинова YouTube’даги «Donik show» лойиҳасига берган интервьюсида Саид Мухтор уни зўрламоқчи бўлганини айтганди. Режиссёр эса бунга жавобан халқ олдида юзи ёруғ чиқишини таъкидлаган. Шунингдек, актрисага фарзандини кўчадан ортириб олганини айтиб, тухмат қилган эди. Фаррух Ҳабибуллаев унинг мазкур гапларига муносабат билдирди.

Актрисанинг собиқ турмуш ўртоғи уларнинг никоҳи бўлганини, қонунан оила қурганидан сўнг қиз фарзанд дунёга келганини айтган. Бундан ташқари, Камила болани кўчадан ортириб олмаганини қайд этган.

Шунингдек, аввалроқ блогер Севиша тахаллуси билан танилган Севара Мансурова YouTube’даги «Gradus show» лойиҳасига берган интервьюсида Саид Мухтор билан жанжаллашганини айтганди.

Эслатиб ўтамиз, аввалроқ Камила Гимандинова илк марта ажрашганига изоҳ берганди. Шунингдек, у туққанидан сўнг қандай озгани ҳақида гапириб берганди. Шу билан бирга, Саид Мухторов Камила Гимандиновани зўрламоқчи бўлгани ҳақидаги гапларга муносабат билдирганди.