Телебошловчи, актриса Ирода Носирова мухлисидан келган iPhone 13 ни қабул қилмади.

У ўзининг Instagram саҳифасига видео жойлаган. Унда мухлисидан совға келганини, лекин айнан нима эканини билмаслигини айтган. Шунингдек, совға ўрамини очиб кўрсатган ва бу телефон эканини билган.

«Агар қимматбаҳо совға бўлса қайтиб олиб кетасиз. Чунки ундай совғаларни қабул қилмайман. Лекин гул учун раҳмат. Азизлар, телефон учун катта раҳмат, аммо бундан менда бор. Олиб кетинглар. Бир воқеа ёдимга тушиб кетди. Кўрсатувда нотаниш эркак гул совға қилган. Узоқдан келгани сабаб гулни қабул қилганман. Кейин у ортимдан кузата бошлади. Сабабини сўрасам, гул олганимни айтган. Шу учун бу совғани олиб кетинглар, илтимос»,  — дейди Ирода Носирова.