Ўзбекистонда хизмат кўрсатган артист Хосият Хусанова «Mashhurlar» кўрсатувига берган интервьюсида қўшниларини судга бергани ҳақида айтиб берди.

Унинг сўзларига кўра, қўшнилари уйининг олдига ахлат ташлаб кетган. Шу сабабли улар билан жанжаллашган. Бу воқeани қўшниси видеога олиб тарқатиб юборган. Шундан кейин актриса уларни судга берган. Суд ўтгандан кейин келиб ахлатларини йиғиштириб кетишган.

«Кечаси бирда тўйдан келиб, аравада ахлатларни бориб ахлатга ташлаб келар эдим. 200 метр нарида ахлат ташлайдиган жойимиз бор. Маҳалламиздагиларнинг оёғи синган. Қўли ҳам синган. Менинг дарвозамнинг олдига ташлайди ахлатини. Бу йўлдан машина ҳам кириб чиққандан кейин кечаси билан ит ҳам титкилайди, машина ҳам босиб кетади. Ўша кунлари совчи кутяпман. Тинимсиз совчилар келяпти. Ҳар куни тозалайман. Эрталаб келинсаломга кетаётган пайтим йўл-йўлакай ҳали ахлатларни териб, ахлатхонага ташлаб кетаман. Ҳамма нарса одамнинг жонига тегади. Кейин уларни судга бердим. Суд бўлди. Шундан кейин ўзига келиб қолди. Бир кунда ахлатини йиғиштириб олиб кетди», — дейди актриса.