Актриса Феруза Норматова турмуш турмуш ўртоғи ҳижобдан чиқишини талаб қилса қандай жавоб қайтаришини маълум қилди.

У ўзининг саҳифасида сўровнома ўтказган. Шунда мухлисларидан бири унга мазкур саволни берган. Актриса эса аввало ундай инсонга турмушга чиқмаслигини, агар шундай бўлган тақдирда ҳам ҳеч қачон рўмолини ечмаслигини таъкидлаган.

«Биринчидан рўмол қийматини тушунмаган инсонга эрга тегмайман. Иккинчидан, ундай инсоннинг ўзидан кечиб юбораман. Лекин рўмолни бошимдан ечмайман. Холиқнинг фарзи турганда, махлуқнинг фикрига қаралмайди», — дейди Феруза Норматова.

Эслатиб ўтамиз, аввалроқ, Феруза Норматовани туғилган куни билан ноодатий тарзда табриклашгани, ҳижобга кирганини маълум қилгани, ҳижобга кирганидан сўнг санъатни бутунлай тарк этмагани ҳақида хабар берилганди.