Актриса Феруза Норматова 1 октябрь, жума кунидан ҳижобга кирганини маълум қилди.

У ўзининг саҳифасига ҳжоб ўраб тушган суратларини жойлаган ва энди опалари қаторида эканини таъкидлаган. Актрисанинг опалари ва синглиси ҳам ҳижобда бўлиб, улар турмушга чиққан.

«Азиз қадрдонларим,дўстларим, яқинларим, бугун муборак Жума тонги мен учун ўзгача ёришди, яъни мен бир неча йиллардан буён қалбимни қийнаб келаётган ва вақтини интизорлик билан кутаётган орзуимга эришдим. Бу кунни қанчалик интизор бўлиб кутганим ёлғиз Роббимга ва ўзимга аён. Бир қарашда енгил бўлган рўмол ҳар кимнинг ҳам бошига онсонгина етиб келмаслигини шу ўтган вақт мобайнида англаб етдим. Қалбан ва руҳан тайёр бўлишимни кутдим. Аллоҳ насиб этиб бугундан рўмолим бошимга етиб келди. Алҳамдулиллаҳ. Мендек бир ожиз бандага Аллоҳнинг фарзини бажаришлик бугундан насиб этди. Энди мен ҳам опам ва сингилларим қаторидаман. Алҳамдулиллаҳ, Алҳамдулиллаҳ, Алҳамдулиллаҳ. Меҳрибон Роббимга беҳисоб шукурлар бўлсин», — дейди Феруза Норматова.