Феруза Мустафоева YouTube’dagi «YashinTV» лойиҳасига берган интервьюсида Улуғбек Ҳаликов билан муносабатлари ҳақида гапирди.

Унинг сўзларига кўра, у Улуғбек Ҳаликовнинг «Юрак» номли қўшиғининг клипида чиққан. Ўшандан кейин уларнинг ўртасида муҳаббат борлиги ҳақида турли миш-мишлар тарқалган. Бироқ, актриса бу ёлғон эканини таъкидлаган.

«Улуғбекнинг клипида чиққанман. 2018 йил адашмасам. Яхши инсон, яхши бола. Уйланди, яқинда эгизак фарзандли бўлди. Чиройли оиласи бор. Улуғбек ҳаттоки, ҳеч ўйлаб ҳам кўрмаган эканман. У бола мендан кичкина. Балки бошида санъат соҳасига, шоу-бизнесга кириб келган одам ҳамманинг назарида бўладику, кимнингдир клипида чиқса, демак орасида нимадир бор ёки ким биландир ишласа, менимча булар юрса керак, гаплашса керак деб ўйлайди. Балки ўша пайтга тўғри келиб қолгани учун шундай гап тарқалгандир», — дейди актриса.